أعربت المطربة أمينة عن استيائها الشديد من بعض التعليقات المسيئة التي ظهرت على فيديوهات نُشرت من عزاء الفنان الراحل أحمد عامر.
وأكدت أنها شاركت في العزاء الذي أُقيم داخل نقابة المهن الموسيقية، مشددة على أن ما تم تداوله في بعض الفيديوهات لا يعكس الحقيقة ولا يمتّ للواقع بصلة.
أمينة تهاجم التعليقات المسيئة
ونشرت أمينة عبر حسابها الرسمي على “إنستجرام” صورة لبعض التعليقات، وعلّقت عليها قائلة: “استفزّتني الكومنتات اللي لاقيتها على الفيديوهات بتاعة عزاء أحمد عامر، الله يرحمه ويغفر له، الناس معذورة برضه، العناوين المكتوبة على الفيديوهات لا تمت للواقع بصلة، وروحت أعزي في نقابة المهن الموسيقية وكل شيء كان تمام، بس يطلع واحد وغيره كتير مش فاهمين أي حاجة، بيهبدوا وخلاص”.
أمينة: “لا بشرب ولا بدخن”
وأضافت: “خلاص مش لاقيين حاجة يتهمونا بيها، زي إن إحنا بنشرب وبندخل المكيفات في مصر، أنا هتكلم عن نفسي، أنا واحدة من الناس اللي ماقدرش أشرب مية ساقعة ولا دخان من أي نوع، حسبي الله ونعم الوكيل في اللي يقول ما ليس فينا”.
أمينة: “مش ذنبنا إننا موهوبين.. واللي قال إني ما حضرتش عزاء أخويا منك لله”
وتابعت: “اللي يشرب يشرب، هو حر طالما مش بيأذيني. أنت كده اتهمت واحد متوفي وغيره من الفنانين اللي ما لهمش علاقة بأي حاجة. اتقِ الله، واللي كاتب إني ما وقفتش في عزاء أخويا، منك لله يا أخي، الحمد لله صلّيت بكل قرايبي زي الفل، وبالأخص أخويا، الحمد لله، لا عمري طلعت من توبتي، ولا عشت الدور، ولا عندي خصومة مع حد، وغصب عني كتبت كده، لأول مرة الناس بقت مستفزة جدًا وقليلة أدب، إلا من رحم ربي، أنتم لا تعرفونا ولا تعرفوا ما فينا وما نعانيه، حسدتونا وعينيكم جابتنا الأرض، وقاعدين تحسبوها لنا، وأراهن أي حد عنده موهبة صوتية أو تمثيلية وما يستغلهاش، مش ذنبنا إننا فنانين بالفطرة والموهبة، وإنت قاعد تحسبها لنا”.
_2891_122340.jpg)
رسالة للجمهور
وختمت أمينة حديثها قائلة: “أنتم لا تعرفون ماذا ندفع أمام كل هذا، منكم لله بجد. معظم الناس حاطة الفنانين دول في إطار تماثيل شمع، لا بنحس ولا عندنا دم. اتقوا الله فينا، كفاية. أنتم ما تعرفوش إحنا فينا إيه، اتقوا الله.”